Tungod sa grabe nga kainit nga molapas pa sa 40°C, napugos ang mga taxi driver sa syudad sa Kandahar, Afghanistan nga maghimo og improvised nga air coolers gamit ang daan nga drum ug tubo aron matabangan ang ilang kaugalingon batok sa sobrang kainit sulod sa ilang sakyanan.
Mas epektibo pa daw ang ilang hinimong cooler kumpara sa built-in air conditioning system sa ilang mga taxi.
Gipakita pa nila ang ilang exhaust vent nga ilang gitapalan gamit ang sticky tape ug ang pagkabit sa unit sa atop sa ilang sakyanan.
Gibutyag usab sa mga driver nga manu-manong butangan og tubig ang cooler unit duha ka higayon sa usa ka adlaw aron mapabugnaw kini.
Nasayran nga ang Afghanistan nailhan nga usa sa mga labing pobre nga nasud sa kalibutan ug grabe ang epekto sa climate change sa ilang nasud.
Sumala sa mga report, mas init pa kuno ang moabot sa mga mosunod nga semana sa ilang nasud karong panahuna.
cooler unit
Bisan paman niini, positibo gihapon ang reaksyon sa mga pasahero sa ilang pamaagi nga inobasyon.
Subay sa pagtuon sa UN Food and Agriculture Organization, nasinati-an sa Afghanistan karong tuiga ang labing lisod nga tingpamulak ug kasamtangang nakasinati og grabe nga kainit nga nakaapekto sa panginabuhi sa mga mag-uuma.
Bisan pa sa grabeng epekto sa climate change, wala nalakip ang Afghanistan sa UN climate talks sukad gikuha sa Taliban ang gahum kaniadtong 2021.
