Dili kuno muhunong sa pagpangita ug kamatuoran ang mga kabanay sa 45 ka tawo nga nangamatay sa train crash sa duha ka high-speed train sa Spain kaniadtong Enero 28.
Padayon pa gihapong gisulayan nga dawaton sa Spain ang trahedya nga nahitabo haduol sa Adamuz ug gihulagway sa gobyerno nga usa sa pinakataas nga ihap sa mga nangamatay sa kasaysayan sa mga aksidente sa tren sa Europa.
Diskumpyado usab ang Spain kung insakto ba ang pamuhunan niini sa maintenance sa iladong railway system sa Spain, ilabi na nga nahitabo usab ang uban pang insidente niadtong nakalabay nga semana, lakip na ang pagkamatay sa usa ka train driver sa Catalonia.
Subay sa imbestigasyon sa awtoridad, usa ka bo-ak sa riles ang gikatuhu-ang nahitabo una nadiskaril ang tren nga mupadulong sa Madrid gikan sa Malaga. Mibangga kini sa usa pa ka tren nga kasugat niini.
