DAVAO CITY – Mokabat ngadto sa nueventa y singko porsyento sa mga taga-Davao ang nagtuo nga dunay positibo nga impact ang presidency sa kanhing dugay-dugay sab nga nahimong mayor sa Davao Rodrigo Dutetre, bisan kung mokabat sab sa 62 porsyento ang nagtuo nga ang Presidency ni Duterte magdala ug dakung kaayohan sa dakbayan.
Pinasikad sa survey nga gipahigayon sa University of Mindanao-Institute of Popular Opinion (IPO) gikan sa Pebrero 14 hangtud sa 22, sa 1,200 ka mga respondents nga napili, 19 porsyento ang mibati sa positive impact uban sa dyutay nga kabalaka, samtang 14 porsyento ang namahayag nga maayo ang impact apan wala kaayo’y daku nga tabang alang kanila.
Sa nahabilin nga singko porsyento, upat ka porsyento ang namahayag nga nga dili gayud sila komportabli sa kasamtangan nga Presidency, ug usa ka porsyento ang namahayag nga ang Presidency dili gayud madawat.
Si Dr. Maria Linda Arquiza sa IPO namahayag nga ang survey napahigayayon aron sa pagsukod sa panlantaw sa publiko kalabot sa daghanan nga mga kausaban nga ilang nasenati-an sukad nga milingkod si Presidente Duterte sa milabay nga Hulyo ug ang epekto niini ngadto sa mga lungsoranon sa dakbayan sa milabay nga pito ka mga bulan.
