DAVAO CITY – Nagpadayag sa ilahang kasakit nga gibati ang pipila ka mga homeowner sa Verdon Parc Condominium human kining walay nadawat na hinabang gikan sa DMCI luyo sa nangaguba nilang mga condo units gumikan sa linog nga natigayon sa milabayng tuig 2023.
Kahinumduman nga gitay-og og 7.4 magnitude sa linog ang pipila ka dapit sa Mindanao lakip na ang Dakbayan sa Davao kaniadtong Disyembre 2 sa milabayng tuig 2023.
Sumala pa sa usa sa mga homeowners sa maong nasampit nga condominium, na bisan piso gikan sa adlawng nahitabuan sa maong insidente wala gayud matod pa silay nadawat nga tabang gikan sa maong mga nagdumala sa Verdon Parc Condominium ingon man sa DMCI.
Gani, sulod sa unom o pito kabulan wala gayud usab nagpakabana ngadto kanila ang maong kompanya ingon man, mas misakit pa gayud usab ang ilahang gibati gumikan kay luyo sa wala na sila gapuyo sa maong condo unit gumikan na usab kay hangtud karun nagpabilin gihapon dili luwas sa katawhan nga puy-an ang maong condominium apan padayon gihapon silang ginapabayad sa maong mga tigdumala sa ilahang monthly charges.
Dungag pa usab na adunay pipila ka mga homeowners usab nga gitugutan sa DMCI nga manimuyo pag usab sa ilahang mga damaged units sa kondisyon nga mupirma sila og waiver nga nagtumong na ilahang desisyon ang pagpuyo pag usab sa ilahang units luyo sa dili luwas nga kahimtang sa maong building.
Gani, nanawagan ang maong mga nanagiyag unit sa maong nasampit nga condominium nga ibalik ingon man irefund ngadto kanila ang ilahang minilyon nga gibayad sa maong condominium.
Nanawagan usab kini ngadto sa atong mayor nga angay kini patagaan og tagad gumikan kay padayon gihapon usab matod pa ang pagpamaligya sa maong condominium units luyo sa dili luwas nga kahimtang sa ilahang mga buildings ingon man basin mas mudaghan pa usab ang anga mabiktimang pamilya niini ingon man mga OFWs gumikan mstod oa kadaghanan usab sa mskng mga kliyente sa nasampit nga condominium kay sagad mga overseas filipino workers kon OFW.
via || Bombo NM
