Padayon gihapon nga ginapangita sa Davao City Police Office ang uban pa nga mga suspetsado nga nalambigit sa pagpanulis sa usa ka Pawnshop sa Ilustre ning dakbayan niadtong nakalabayng bulan.
Gikanayon ni PCapt. Hazel Tuazon, ang tigpamaba sa DCPO nga isang-at na matud pa nila ang ubang kaso sa lima ka mga nailhang suspetsado ngadto sa City Prosecutor’s Office.
Samtang, ginahulat na sab sa kapulisan ang mga complainants sa naasoyong kaso.
Samtang, gikumpirma sab sa DCPO ang pagkamatay sa usa sa mga suspek nga miyembro sa Tolentino Gang human gipusil kini sa Valencia, Bukidnon niadtong nakalabayng adlaw.
Giila ang maong suspek nga si Franklin Sebullen Buac, 48-anyos, ug residente sa Brgy. Tabid, Ozamiz City, Misamis Occidental, kansang usa kining ginatudlong nag-finance matud pa sa nahitabong pagpangransak sa usa ka pawnshop niadtong Pebrero 27 ning tuig kasamtangan.
Nagpasalig sab karun ang kapulisan, nga ma solbad gilayon kining maong kaso sa labing dali nga panahon.
