DAVAO CITY – Dako ang pagtoo sa mga supporters ug kaalyado ni Davao City Mayor Inday Sara Duterte-Carpio sa Ituloy ang Pagbabago Movement (IPM) nga magbag-o pa ang desisyon sa opisyal ilabi na nga layo pa ang petsa sa pagduso sa Certificate of Candidacy (COC).
Kahinumduman nga una ng nagpagula ug pahayag si Mayor Inday nga wala kini plano nga magpapili sa mas taas nga posisyon sa mosunod nga 2022 eleksiyon kini human ang nahimong sabot nila sa iyang amahan nga si Pangulong Rodrigo Duterte nga kinahanglan usa lamang kanila ang magpapili sa mas taas nga posisyon.
Sumala pa kang IPM convenor Davao Occidental Governor Claude Bautista nga taas pa ang panahon ayha ang deadline filling sa certificate of candidacy ug posibleng daghanan pa ang mahitabo.
Dako ang pagtoo ni Bautista nga si Mayor Inday lamang ang mamahimong makapadayon sa mga nasugdan sa iyang amahan.
Malipayon lamang sumala pa ang opisyal nga nagkahiusa sila sa ilang tumong nga makita ang kaayohan sa nasod sa umaabot nga panahon.
Una na sab nga gibutyag ni Mayor Inday nga dili siya mohatag ug suporta sa tandem sa iyang amahan ug ni Sen. Bong Go sanglit dili siya kalakip sa partido nga PDP-Laban.
