DAVAO CITY – Hangtud karong adlawa na lamang oktobre 23, 2021 mamahimong makaduaw ang katawhan sa mga sementeryo sa syudad subay na usab sa paghinumdom sa kalag-kalag.
Kini gumikan kay sugod sa oktobre 24, 2021 adlaw nga domingo temporaryo nang serhan ang 35 ka mga pribado ug mga pampublikong sementeryo sa tibuok dakbayan sa dabaw.
Labot niini, mas gipa-alerto karon ang mga sakop sa kapulisan sa syudad sanglit gilauman nga mas daghang mga tawo ang moduaw sa mga sementeryo sa nahabiling duha ka adlaw na lamang sa dili pa ang gitakda pagpasera niini.
Gikanayon ni Anghel Sumagaysay ang hepe sa public safety and security command center (PSSCC) nga gawas sa mga police nga gipakatag nakiglambigit usab sila sa mga barangay official nga adunay duol nga mga sementeryo sa ilang tagsa-tagsa ka mga dapit gumikan kay mahinungdanon nga ma-tap usab ang ilang mga resources sama na lamang sa ilang mga barangay police o barangay police.
Ang dakbayan sa dabaw ang adunay 35 ka mga sementeryo nga gilankguban sa 14 ka pribado ug mga memorials, 10 ka city owned & operated cemeteries, ug unsi ka mga public cemeteries.
Samtang, gipakatag na usab sa davao city police office ang 189 ka mga PNP personnel niini inabagan sa 84 ka mga police auxiliary sa nagkadaiyang mga sementeryo sa syudad.
