DAVAO CITY – Gipahibalo sa kapulisan nga tanan sumala pa nga mga sementeryo sa siyudad ang sarado sa sugod sa Oktubre 24 hangtud Nobyembre 7 kalakip na ang pag-obserba sa All Souls’ Day ug All Saints’ Day.
Sumala pa kang Col. Kirby John Kraft, City Police Office director, nga himuon ang nahisgutan nga lakang aron nga malikayan ang pagtapok-tapok sa mga tawo sa sementeryo ilabi na nga padayon sumala pa ang pagpaningkamut karon sa dakbayan aron lamang makunhuran ang pagkatag sa kaso sa Covid-19 sa siyudad.
Mitamud lamang sila sa kamandoan ni Mayor Sara Duterte aron nga malikayan ang pagtapok-tapok aron nga malikayan ang pagkatag sa kagaw.
Ipatuman sumala pa kini sa 30 ka mga sementeryo sa siyudad. Sa milabay nga tuig, una na sab nga nagpagula ug Executive Order 52 ang lokal nga kagamhanan diin kinahanglan nga sirad-an una ang mga sementaryo ug columbariums sugod sa Oktubre 29 hangtud Nobyembre 4.
Mas maayo sumala pa nga mobisita na lamang ug sayo sa mga sementeryo ayha ang nahisgutan nga adlaw.
Hugtanon sab nga ginadili ang pagdala ug ilimnong makahubog sanglit nagpadayon pa karon ang liquor ban.
Kung mamatay ang usa ka miyembro sa pamilya, ang vulnerable sector sama sa mga bata nga ubos sa 21 anyos ug senior citizens nga 60 anyos ang mamahimo nga makabisita sa lugar apan kung walay blood relations sa minatay, dili kini mamahimong tugtan.
