DAVAO CITY – Nanawagan si Public Safety and Security Command Center (PSSCC) Chief (Ret) General Benito de Leon ngadto sa tanan nga mga security agencies ilabi na ang SOSIA nga kinahanglan siguraduhon sa mga nahisgutan nga andam ang ilang mga sakop sa bisan unsa man nga insidente.
Tipik lamang ang pahayag sa opisyal human ang nahitabo sa resorts world Manila usa ka semana na ang milabay diin nakahimo pagsulod sa gambalay ang suspek bisan nga adunay security guard nga nagbantay.
Mandato sumala pa ang Supervisory Office for Security and Investigation Agencies (SOSIA), nga ilalom sa superbisyon sa Philippine National Police (PNP) nga ipatuman ang probisyon sa Republic Act 5487 o “The Private Security Agency Law.”
Matud pa kang De Leon adunay mipatigbabaw nga mga sumbanan ang ahensiya diin kinahanglan pahimangnoan ang publiko nga tumanon kini sa higayon nga adunay mahitabo susamang insidente sa resorts world.
Una ng gibutyag ni de Leon nga abli sila nga ipailalom sa pagbansay ang 754 civil security unit personnel latas sa siyudad aron nga andam kini kanunay panahon sa emerhensiya.
Gitino sab sa opisyal nga anaa lamang gihapon sa mga nanag-iya sa establisyemento kung buot nila nga armasan ang ilang mga security guards.
