DAVAO CITY – Nanawagan ang lokal nga panggamhanan ning siyudad ngadto sa mga nanabong sa New Matina Davao Galleria kaniadtong Marso 6 hangtod March 13, 2020 ang ilang pamilya, ug mga tawong ilang nakahimamat o nalambigit kinahanglan nga mag-isolate sulod sa 14 ka adlaw.
Sa higayon nga adunay makasinate ug sip-on, ubo, kalintura, kalibanga o sakit sa tutunlan nga pipila ka mga sintomas sa Corona Virus Disease (Covid-19), gitambagan ang mga nahisgutan nga mobisita gilayon ang Sta. Ana Health Center o sa Crossing Bayabas Health Center sa Toril.
Kahinumduman nga usa ang mga sabongan sa mga delikado nga lugar karong panahon nga kaylap ang covid-19 sanglit mamahimong paspas ang pagkatag sa virus.
Samtang una ng nanganti si Davao City Mayor Inday Sara Duterte nga daghan siya ug malaparohan sa higayon nga matapos na ang iyang quarantine period karong Marso 26, 2020.
