DAVAO CITY – Hugtanon karon nga gipatuman sa mga restaurant sa siyudad ang mga health protocols aron masiguro nga mapabiling luwas ang ilang mga costumer ug malikayan ang kontaminasyon sa Covid-19 sa ilang mga establisyemento.
Kahinumduman nga gitugtan na ang mga dine service ilalom sa General Community Quarantine (GCQ) hinungdan nga gimandoan ang mga nahisgutan nga ipatuman ang mga preventive measure.
Sa usa ka mall sa Ecoland ning dakbayan, gihimo nga dining area ang event center niini aron masiguro nga luwas ang kan-anan karong panahon sa pandemya.
Gipasalig sab sa mga pamunoan sa restaurant nga gituman nila ang tanan nga mga health protocols sama sa physical distancing, pagbutang ug alcohol station, washing station, paggamit ug QR code alang sa pag-scan sa pili-on nga menu ug equipment alang sa pangdis-infect sa gibayad nga kuwarta.
Padayon sab ang pagmonitor sa Department of Trade and Industry XI, sa mga restaurant aron masubay kung mitamud kini sa gipatuman nga mga health protocols.
