Mga restaurant owner sa Times Beach mibati ug kabalaka tungod sa coastal road project

DAVAO CITY – Mibati ug kabalaka ang mga nanag-iya sa mga restaurant sa Times beach ning dakbayan kini human nga kalakip sila sa mga mapagan sa ipatuman nga coastal road sa lugar partikular na ang pagpahimutang ug recreational area nga kabahin sa proyekto.

Una ng gikumpirma ni Dean Ortiz, tigpamaba sa Department of Public Works and Highways (DPWH) XI nga gisugdan na nila sa milabay nga semana ang tagging sa mga restaurant sa lugar ug gipahimangnoan nila ang mga nahisgutan nga mobalhin ug lain nga area.

Hinuon gipasalig ni Ortiz nga andam tabangan sa kagamhanang lokal ang nanag-iya sa mga restaurant nga maapektohan sa proyekto pinaagi sa pag-relocate sa mga nahisgutan sa lain nga lugar.