DAVAO CITY – Gikalipay ug dako sa mga residente sa Mati City sa Davao Oriental partikular na naidtong mga nagpuyo sa hilit ug lagyong mga dapit gumikan kay dili na sila mobyahe pa ug layo kung gikinahanglan nila nga magpa-Xray.
Kini gumikan kay pormal nang nadawat na sa Mati City Health Office ang gipalit sa lokal nga kagamganan sa Mati City ang gipalit niining mobile Xray Machine nga nagkantidad ug 6.8 million pesos.
Gikanayon ni MAti city health office head Dr Ben Hur Catbagan Jr, ang nahisgutang lakang ang isipm pagsunod sa Universal Health care Act of 2016.
Dili lamang mga taga Mati city ang mamahimong ma-serbisyuhan sa nahisgutang mobile Xray Machine kung dili ang uban pang mga residente nga nagpuyop sa lagyong lugar nga dili gilayon makabyahe paingon sa poblacion aron mopa-illom sa Xray.
Dugang pa ni Catbagan, libre kini ug walay bayad alang sa mga residnete nga mga miembro sa Philhealth.
Ang nahisgutang mobile Xray Machine ang adunay igong katakos sa pagpagawas gilayon ug resulta aron diha-diha mapadala gilayon sa mgja doktor aron i-interpret ug makahatag gilayon ug diagnosis bisan ug naa pa sa layo ang pasyente.
