DAVAO CITY – Nagpadayag sa ilang dakong pagpasalamat ang mga residente sa Brgy. Pasian sakop sa Monkayo Davao de Oro sa ilang nadawat nga hinabang gikan sa lokal nga kagamhanan ning dakbayan sa Davao.
Kahinumduman nga daghanang mga residente sa nahisgutan nga dapit ang biktima sa diarrhea diin anaa sa 213 ang nadala gitambalan samtang lima ang natalang namatay.
Tungod sa kadaghanan sa mga nadala sa balay tambalanan, gideklara ang diarrhea outbreak sa lugar.
Una na sab nga nagpadala ug supply sa tubig ang Philippine Red Cross (PRC) kini human nga temporaryo una nga gidili ang pagkuha ug tubig ma-inom sa mga residente sa nag-inusarang reservoir sa maong dapit human nga migula sa pagtuon nga aduna kini bacteria nga hinungdan sa pagpanakit sa ilang tiyan.
Mihatag ug hinabang ang siyudad aron nga ipakita ang suporta sa matag lokal nga kagamhanan sa Davao region panahon sa susama nga suliran.
