DAVAO CITY – Miduso na ug reklamo sa National Bureau of Investigation (NBI) ang pipila ka mga membro sa Titan 29 human nga pakyas kini nga mauli ang gikapital nila nga kwarta.
Wala pa igkita ang mga lideres sa Titan 29 hinongdan nga nabalaka ang mga membro nga gilayasan na sila.
Ang NBI Davao del Norte mao pa’y pagsugod sa ilang imbestigasyon, hinoon gitataw sab sa Tagum City Police Office sa halos gatus nga mi-reklamo batok Titan 29, trese lamang ang mipa-blotter ug dili pa desidido kung mopasaka gayud ug kaso.
Sumala pa kang Police Capt. Anjanette Tirador Officer-In-Charge Station commander sa dakbayan sa Tagum gamiton na lamang nila ang record ug reference ang blotter batok sa Titan.
Gipasaabot ni Tirador nga kinahanglan nga dunay private complainant batok sa Titan 29 Marketing aron nga mapasaka ang kaso nga estafa.
