Ginaimbestigahan na matud pa karon sa Digos City Police Station ug Davao del Sur Police Provincial Office ang gireklamo sa usa ka abogado nga nangutong kon nangilkil sa checkpoint.
Sa post sa usa ka abogadong giilang si ‘Atty. Marky’, gibutyag niini nga miadto matud pa sa iyang opisina si Digos City PNP Chief Police Lt. Col. Glen Ipong ug ang mga representante sa Davao del Sur Police Provincial office aron imbestigasyon ang gipadangat nga reklamo sa iyang kliyente human kining miagi sa Colorado Checkpoint, Colorado, Digos City ug gikutungan sa mga pulis nga na-assign sa maong checkpoint area.
Hinoon, gipaniguro matud pa sa kapulisan nga seryoso ang maong reklamo ug di tugtan matud pa sa kapulisan nga subli kining mahitabo, rason nga giawhag sa kapulisan ang tanang lumulupyo nga ibalik ang pagsalig sa otoridad.
