DAVAO CITY – Nagtuo ang grupong Karapatan nga ang pagtuboy kang kanhi Armed Forces of the Philippines chief Eduardo Año isip head of the Department of Interior and Local Government (DILG) magsilbi sumala pa nga dalan nga mograbe pa ang pagpangabuso sa tawhanong katungod latas sa nasud.
Gisaway ni Karapatan Secretary General Cristina Palabay ang kasamtangang administrasyon sa paghatag kang Año, ug taas nga posisyon sa kagamhanan bisan nga nalambigit sumala pa kini sa mga nagkadaiyang pagpangabuso sa tawhanong katungod.
Dugang ni Palabay, usa sumala pa si Año sa mga napasakahan ug kasong criminal gumikan sa pagkawala ug pagbilanggo sa aktibistang si Jonas Burgos kaniadtong tuig 2011 ug uban pang natala nga mga kalapasan.
Ang kanhi AFP chief milingkod sa iyang posisyon sa DILG human ang gipahigayon nga seremonya niining milabay nga adlaw tali ni Catalino Uy, ang officer-in-charge sa ahensiya.
