Nanawagan ang mga progresibong grupo sa Office of the Ombudsman nga paspasan ang pagsang-at og kaso batok kang Sen. Joel Villanueva ug sa uban pang giingong nalambigit sa kontrobersiyal nga flood control scandal.
Atol sa protesta nga gipahigayon sa Samahan ng Progresibong Kabataan (SPARK) sa atubangan sa opisina sa Ombudsman, gibutyag sa grupo nga kapin duha na ka semana ang milabay sukad gipadayag ni Ombudsman Jesus Crispin Remulla nga andam na ang pagsang-at sa plunder case batok sa senador.
Sumala pa kang SPARK PUP Coordinator John Christian Ancheta, nakapukaw og kabalaka sa ilang grupo ang paglangan sa kaso ilabina nga nahitabo kini atol sa espesyal nga sesyon nga giatubangan ni Sen. Joel Villanueva isip kabahin sa bag-ong Senate Majority bloc.Dugang pa niini, nagpahayag ang grupo sa ilang kahadlok nga mahimong malangan pa ang proseso o mahimo kining ilisan og mas gaan nga kaso nga adunay piyansa.
Kahinumduman nga niadtong 2025, nalambigit ang ngalan ni Sen. Joel Villanueva sa maong isyu human giakusahan sa kanhing DPWH Bulacan First District Engineer nga si Henry Alcantara nga nakadawat kuno ang senador og ₱150 milyong kickback alang sa ₱600 milyong ₱600 milyong sa Bulacan, alegasyon nga hugot nga gipanghimakak sa senador.
