Nagpahayag og kadismaya ang pipila ka progresibong grupo sa resulta sa imbestigasyon nga gihimo sa Independent Commission for Infrastructure kabahin sa isyu sa korapsyon sa flood control projects.
Sa paghuman sa operasyon sa komisyon, gikuwestiyon sa mga grupo gikan sa lain-laing sektor ang kakulangon sa aksyon sa pagpatubag sa tanan nga nalambigit. Sumala ni Teddy Casiño, Chairperson sa Bagong Alyansang Makabayan, wala sila nakuntento o ‘satisfied’ sa imbestigasyon sa Independent Commission for Infrastructure, Office of the Ombudsman, ug Senado kabahin sa mga anomalosong proyekto.
Tungod niini, isip panawagan sa pagpatubag sa mga nalambigit, ilahang giduso ang reklamo batok sa pipila ka mga indibidwal nga giingong nalambigit sa isyu sa korapsyon.
