DAVAO CITY – Gipasalig sa Department of Social Welfare and Development (DSWD) Davao Region ngadto sa publiko nga tanan nga mga politiko partikular na ang mga kandidato sa nagsingabot nga barangay elections ang wala sumala pay kontrol sa mga pinili nga Pantawid Pamilya beneficiaries.
Kini ang gihatagan ug katin-awan ni DSWD-Davao assistant regional director for operations Rebecca Santamaria.
Matud pa sa nahisgutan nga walay access ang mga kandidato sa Sangguniang Kabataan (SK) ug barangay elections kung si kinsa ang mga benepisiyaryo nga tangtangon sa listahan.
Napahibalo na sab sumala pa nila ang impormasyon ngadto sa mga benepisiyaryo sa Pantawid Pamilyang Pilipino Program (4Ps) nga kinahanglan dili magpagamit ang mga nahisgutan sa kampanya sa eleksiyon ug hugtano kini nga gidili sa ahensiya.
Bugtong ang DSWD lamang sumala pa ang adunay katungod kung adunay tangtangon sa ilang listahan.
Nasayran sa DSWD-Davao nga mukabat sa 13,961 beneficiaries sa 4Ps sa 2017 ang ilang gitangtang human nga pakyas ang mga nahisgutan nga motamud sa ilang gipagula nga mga kondisyon.
