Mi-ubos kuno ang ihap sa mga kabus nga Filipino niadtong milabay nga tuig, 2023.
Kini subay sa Full Year Official Poverty Statistics sa Philippine Statistics Authority (PSA).
Sa kamatuoran kuno, gikan sa 19.90 milyon niadtong 2021, mi-ubos kini sa 17.54 milyon niadtong 2023.
Gumikan niini, ang poverty incidence ang mukabat sa 15.5% niadtong 2023 gikan sa 18.1% niadtong tuig 2021.
Misaad ang gobyerno nga paubsan ang poverty level sa single digit levels una matapos ang termino ni Pangulong Ferdinand Marcos Jr.
Samtang gitudlong hinungdan usab ni National Statistician and Civil Registrar General Usec. Claire Dennis Mapa sa pagbag-o sa ihap sa mga kabus nga Filipino mao ang pagpasaka sa sweldo ug pagtaas sa employment rate, gumikan sa paglambo sa ekonomiya.
Makonsiderang pobre ang usa ka tawo, gikinahanglang “below the country’s poverty threshold.”
Alang sa tuig 2023, ang average poverty threshold ang mubalor sa P13,873 matag bulan alang sa pamilya nga adunay lima ka miyembro.
Nagpasabot kini nga ang pamilya nga above sa nahisgutang kantidad ang dili makonsiderang pobre.
Alang sa food poor threshold, ang average ang anaa sa P9,581 matag bulan alang sa pamilya nga adunay lima ka miyembro.
Gipahayag pa niini nga gikan sa 18 ka mga rehiyon, adunay 11 ang gikatala nga mi-ubos ang poverty incidence sa pamilya.
Nagpakita ug improvement ang Caraga sa 14.9% o pag-ubos sa 11% points.
