Malaunom si Honey Joy Dumol, Bombo International News Correspondent sa nasud France nga madungagan pa ang mga medalyang nakuha sa mga atletang pinoy sa nagpadayong Paris Olympics 2024.
Kini ang gikanayon ni Honey Joy gumikan sa mga ginapakitang kaisog ug kusog sa mga atleta kansang nakapabilib gayud dili lamang sa mga pinoy kondi lakip na sa ubang kanasuran.
Nahimong pananglitan niini ang kadaugan ni Carlos Yulo sa duha ka bulawang medalya kon diin bisan paman pipila na lamang ka adlaw ayha mahuman ang maong gipahigayong event, nimugna pa kini og kasaysayan.
Gawas usab sa bulawang medalya nga naangkon sa Pilipinas, ang labing gikabilibad usab niini mao ang layo nga naabtan sa pagpaningkamot sa mga atleta sanglit dako na kaayong dungog ang makaabot sa Olympics.
Ning kasamtangan, padayon ang pagpaambit og 100% support sa iyang mga kaubanan alang sa mga atletang pinoy.
