Mamahimo na karon sa mga Pilipino ang pagpangayo og legal nga tambag online pinaagi sa eGovPH nga aplikasyon sa gobyerno. Gipasabut ni Public Attorney’s Office (PAO) Chief Persida Rueda-Acosta nga kini susama sa 24-oras nga hotline sa PAO diin adunay mga abogado nga naka-assign aron motubag sa tawag o pangayoan og legal nga tabang.
Sumala pa sa opisyal, duha ka abogado ug duha ka staff gikan sa PAO ang itudlo aron moasikaso sa mga hangyo sulod sa app sa gobyerno. Gipasabot usab sa PAO Chief nga dili magpadayon ang serbisyo kung walay abogado nga naka-duty.
Dugang pa ni Acosta, dako og kahulugan nga matubag gilayon ang mga pangutana kabahin sa balaod tungod dili tanan nga mga Pilipino nakatuon og balaod, ug mahinungdanon usab nga mahatagan og kasayuran ang katawhan kabahin sa mga daan ug bag-ong mga balaod.
