DAVAO CITY – Gipailalom na karon sa quarantine ang tanang pasahero, drayber ug konduktor sa usa ka bus nga niabot sa dakbayan sa davao human dunay usa ka pasahero ang nagpositibo sa COVID-19.
Una ng gikumpirma ni City Health Office Acting Head ug Davao City COVID-19 Task Force focal person Dr. Ashley Lopez, nga gi-isolate gilayon ang ang pasyenteng returning resident sa temporary treatment and monitoring facility o TTMF samtang ang kapin 30 ka pasahero gipang-quarantine sa tent city og takdang ipailawum sa swab test.
Una ng gibutyag ni Lopez nga ang maong pasahero usa ka returning resident sa syudad.
Gitino sab sa opisyal nga gikan sumala pa ang pasyente sa Cebu og didto nagpailalom og swab test gumikan nga wala matud pa kini nakahulat sa resulta, mibyahe na kini sakay sa barko paingon sa Cagayan de Oro City ug miditso sa syudad sakay sa usa ka bus ayha nadawat ang resulta nga positibo kini sa Covid-19.
Gumikan sa maong panghitabo, subling nagpahimangno ang oposyal nga tumanon ang health protocols batok Covid-19 sa syudad diin kinahanglan mag presenta og 24-72 hours negative RT-PCR test result ilabi na ang mga returning residents.
