DAVAO CITY – Nagpadayon sumala pa karon ang dakbayan sa Davao sa pag-assist ingon man pagmonitor sa mga panimalay nga nagpabilin nga lockdown human nga pipila sa mga miyembro sa pamilya ang nakahimamat sa mga tawo nga adunay sintomas sa corona virus o nahilakip sa contact tracing list.
Sumala pa kang Angel Sumagaysay, hepe sa Public Safety and Security Command Center (PSSCC), kinatibuk-ang 35 ka mga panimalay ang kasamtangan nga naka-lockdown.
Apan ang nahisgutan sumala pa nga ihap ang miubos gumikan kay ang pipila ka mga lugar nakatapos na sa 14-day quarantine o migula nga negatibo na ang resulta sa second testing alang sa covid-19.
Sumala pa kang Dr. Joy Villafuerte, Head sa City Health Office (CHO), nga kung ang miyembro sa pamilya magpositibo sa coronavirus sa 14th day, dad-on kini sa isolation facility.
Gitino ni Villafuerte nga mahinungdanon ang ipatuman nga household lockdown kini aron masiguro nga malikayan ang pagkatag sa virus sa siyudad.
Samtang gipasalig ni Maria Luisa Bermudo, Head sa City Social Welfare and Development Office (CSWDO), nga matag household nga naka-lockdown ang hatagan ug food ration nga kaigo sulod sa 14 ka adlaw.
Imonitor sab ang mga nahisgutan sa mga ideploy nga police officers gikan sa DCPO.
