DAVAO CITY – Nagpahigayon ang Overseas Workers Welfare Administration kon OWWA Davao Region og panagpulong sa 80 ka mga OFW family circle group leaders sa rehiyon alang sa OFW Family Circle Leaders and OFW Desk Officers Meeting.
Namugna ang maong panagulong alang sa pagbansay sa mga lideres sa mga OFW leaders sa alang sa ilang paglambigit sa mga mahinungdanong isyu sa mga Pilipinong nagatrabaho sa mga langyawng nasud.
Gikanayon ni OWWA 11 OIC – regional director Carmelo Elaya, nanglangkub ang ilang mga hisgutanan sa mga kakulian sa pagpanguna, leadership development ug pagbuhagay sa mga maayong practices sa usa ka circle group.
Ang OFW family circle, usa ka grupo nga gikan sa mga komunidad ug mga barangay nga nagasuporta sa mga pamilya sa OFW sa usa ka lokalidad.
Kada probinsya, adunay ginapili isip lider sa usa ka OFW family circle group. Gipahigayon ang maong panagpulong sa usa ka dagkong hotel diri sa dakbayan.
Sa pikas bahin, nanghatag ug pinaskuhan sulod sa Davao International Airport ang OWWA 11 ngadto sa mga OFW nga nakauli na sa Davao Region.
Binulig nga mga noche buena items ang gipangapud-apud kanila isip pahalipay ug pagpasalamat sa tanang mga sakripisyo ug bunga sa ilang pagpaningkamot isip OFW.
via || Bombo LJF
