DAVAO CITY – Nagpahigayon og asessment ang mga sakop sa Davao City Disaster Risk Reduction Management Office human sa nahitabong pagbaha sa Talomo area ning dakbayan niadtong Nobyembre 8 diin ilabihang naapektuhan ang 8 ka mga barangay ug pipila ka purok dihang nibubo ang duha ka oras nga kusog nga pag-ulan gumikan sa nipatigbabaw nga ITCZ.
Sumala sa talaan nga gipagawas ni CDRRMO head Alfredo Baloran, anaa sa 5,803 ka mga pamilya ang apektado sa mga pagbaha.
Ang maong ihap, naglangkub sa mga barangay sa:
Bago Aplaya – 476 families, 722 individuals;
Bago Gallera – 1,011 families , 1,600 individuals, 10 recorded injuries, 3 house totally damaged;
Baliok – 421 families, 178 indivuals;
Catalunan Pequeno – 475 families, 2,230 individuals;
Maa – 7 families, 10 individuals;
Talomo Proper – 1800 families, 1,788 individuals; ug sa
Matina Aplaya – 1,612 families, 1,820 individuals.
Hinuon, walay mga gikatalang nakabsan sa kinabuhi atol sa maong pagbaha. Nasayran sa maong assessment nga ang pagbaha sa maong dapit, gumikan kana sa palyadong drainage system ug mga mga nagbarang mga gapnod sa tubig.
Samtang ang nagpahinabong construction gikan Taal delibrates ngadto sa Coastal Raod ang gitudlong nakapasamot sa pagbaha sa Talomo Area ning dakbayan. Gumikan sab sa nahitabong pag-ulan, miawas ang tubig sa sapa sa Talomo-Talipa river.
Magtanyag sab ang CSWDO og mga cash assistance alang sa mga apektadong residente.
Gawas niana, magpadayon sab ang buhatan sa paghatag og mga pagkaon ug kasilungan sa mga nabahaan.
Gimuntar sab sa City Health Office ang mga tambal nga gikinahanglan sa mga biktima.
Ubay-ubay sab ka mga lokal nga ahensya sa dakbayan ang paghatag og hinabang ug mga assessment nga gikinahanglan.
Sumala pa sa CDRRMO, dili pa madetermina ning kasamtangan ang pagdeklara og state of calmity sa maong dapit human sa nahitabong pagbaha.
via || Bombo LJF
