DAVAO CITY – Karon pa lang gipahimangnoan na ang kadumalahan sa mga palengke ning dakbayan sa Davao nga kinahanglan ibalik na ang pagpatuman sa one entrance, one exit policy kini dungan sa gikatakdang pagsugod sa Safe Davao QR code sa dakbayan sa Nobyembre 23, 2020.
Kahinumduman nga usa ang palengke sa mga sagad dagsaon ug mga tawo hinungdan nga kinahanglan bantayan kini pag-ayo aron masiguro nga dili mokuyanap ang covid 19.
Una ng gibutyag ni Davao City Mayor Inday Sara Duterte-Carpio nga gipailalom na sa orientation ang mga personahe sa mga palengke sa siyudad ug aduna na matud pa silay kaugalingon nga scanner aron nga mo-check sa mga dala nga QR code.
Gitino sab ni Mayor Inday nga dili na kinahanglan pa nga magbaton ug DQR scanner ang mga vendor sa palengke kung dili sab magdugay ang ilang kustomer ug sobra sa walo ka minuto o less than five minutes.
