Nagpaguwa og subpoena kagahapong adlawa ang National Bureau of Investigation (NBI) ngadto sa 10 hangtod 12 ka mga indibidwal nga nahilakip sa late-night virtual press conference ni Vice President Sara Duterte niadtong petsa 23 diin gibutyag niini nga aduna na matud pay gimando ang ikaduhang pangulo nga ipapatay sila Pangulong Bongbong Marcos Jr., ugaling maunhan kining siyang ipapatay.
Sumala pa ni NBI Director Jaime Santiago, natumbok na sumala pa nila ang mga nahilakip sa maong presscon ug usa-usahon matud pa nila kining panguutan-on aron nga mahatagan sumala pa og katin-awan ang maong hisgutanan.
Gipaklaro sab sa NBI Chief nga ang mga nangutana lamang sa maong zoom meeting ang ilahang gipadalhan og subpoena.
Pagpaklaro pa sa opisyal nga dili kini nila kasuhan ang mga nahilakip nga mga indibidwal sa maong zoom meeting.
