DAVAO CITY – Dungan sa pag-renew sa business permit sugod karung adlawa, gipahimangnoan ang mga negosyante nga mas maayong moadto na lamang sa gipahimutang nga mga one stop shop nga dakung tabang aron nga dali ang pag-proseso.
Sa kasamtangan, nagpahimutang na matud pa ang lokal nga kagamhanan ug ubay-ubay nga mga processing locations aron nga dili na kinahanglan pa nga moadto sa downtown kadtong buot nga magpa-renew ingon man sa mga bag-ong aplikante ilabi na kung duol na lamang kini sa ilang dapit.
Gikanayong matapos ang renewal sa business permit sa Enero 31, 2022.
Gi-awhag sab ang mga negosyante nga mamahimog sab sila ngamaka-proseso ug mubayad online.
Kahinumduman nga dyutay lamang ang nagpa-renew sa ilang business permit sa milabay nga tuig sanglit ubay-ubay pa gihapon sa mga negosyo sa dakbayan ang nanirado gumikan sa grabe nga epekto sa covid-19 sa ilang panginabuhian.
Padayon sab ang panawagan sa Davao City Business Bureau ngadto sa mga mokuha o magpa-renew ug business permit nga dili na hulaton pa ang deadline aron nga dili mapahamtangan ug multa.
