DAVAO CITY – Gikanayon sa National Economic Development Authority (NEDA)-Davao region nga miubos sumala pa ang ihap sa mga indibidwal sa dakbayan nga nawad-an ug trabaho kaniadto 2021 diin daghanang kompanya ang naapektohan diin gikan sa 11,871 nahimo na lamang 566 ka mga kompanya ang grabe nga naapektohan sa coronavirus disease (COVID-19) pandemic.
Mas ubos kini ug 42% kung itandi sa 20,592 workers gikan sa 1,206 companies nga apektado sa pandemiya kaniadtong 2020. Sumala pa kang NEDA-Davao director Maria Lourdes Lim nga pipila ka mga establisyement kalakip na ang 450 companies ang naglimita sa ilang operasyon hinungdan nga adunay gipatuman nga retrenchments, permanent closure sa 85 firms, ug temporary closure sa laing 31 ka kompanya.
Mayorya sa mga naapektohan nga mga kompanya ang anaa sa sektor sa agrikultura, forestry and fishery sector (AFFS) partikular na sa banana plantations sa rehiyon ug uban pang serbisyo.
Gitataw sab sa opisyal nga aduna sumala pa silay nakita nga kalambuan sa employment figures sa milabay nga tuig.
Gani napabilin sumala pa sa rehiyon ang taas nga employment rates tali sa first ug third quarters sa 2021 nga anaa sa 94.6% hangtud 95% dungan sa subling pag-abli o pagpadayon sa operasyon sa mga negosyo human nga napugngan sab ang pagkatag sa Covid.
Sa tuig 2020, nakatala ang rehiyon ug employment rate nga 95.4% sa first quarter, miubos kini ngadto sa 82.1% sa second quarter, ug dyutay nga milambo ngadto sa 92% sa third quarter.
