DAVAO CITY – Doble ang pagsaka karon sa ihap sa mga tawo nga nadala sa southern Philippines medical center human nataptan ug covid 19.
Gikanayon ni SPMC chief Dr Ricardo Audan, matag adlaw inanay ang pagsaka sa positivity rate sa balay tambalanan diin sa karon naa na sa 11.46% o 132 ka mga bag-ong positive individuals.
Dugang pa ni Audan nga as of January 13, 2022, naa na sa 61.67% ICU beds utilization o 37 gikan sa 60 total bed capacity sa SPMC ang nagamit.
Matawag na usab sumala pa nga naa na sa danger zone ang ward isolation sanglit 231 sa 308 ka total bed capacity niini ang nagamit na.
Samtang, gipasabot usab nj Audan nganong managlahi ang ihap nga gipagawas sa SPMC ug sa DOH Davao. Kini gumikan kay dili tanang mga covid positive patients ang ginadala sa SPMC.
Subay sa criteria for admission sa SPMC, kadtong mga covid patients lamang nga moderate – to – crtitical to -severe cases ang kinahanglan nga i-admit.
Dugang pa ni Audan nga ang mga mild cases ang ginadala lamang sa Temporary Treatment and Monitoring Facilities.
Wala sumala pay record ang SPMC sa mga nadala sa TTMF gumikan kay bugtong gihuptan lamang nila mao ang record sa ospital hinungdan nganing nagbaton ug dili susamang ihap nga gipagawas ang SPMC ug DOH.
Gibutyag usab sa hepe sa SPMC nga kasagaran sa mga nadala sa ospital mga unvaccinated o 85% sa kinatibuk-ang ihap sa mga covid positive patients nga naadmit.
Samtang sa latest nga IATF covid19 classification sa usa ka lugar gipailawom usab ang probinsya sa Davao del Norte og Davao del Sur.
Mamahimong epektibo kini sugod sa Petsa 16 ning kasamtangang buwan.
