DAVAO CITY – Gi-andam na sa lokal nga kagamhanan ang hinabang nga ihatag nga financial assistance ngadto sa mga nabiktima sa nahitabong sunog Juliville subdivision Buhangin ning dakbayan sa Davao.
Kahinumduman nga sa ulahing imbestigasyon sa kapulisan, mikabat sa tulo ka mga balay ang totally damage human kini gilamoy sa kalayo pasado alas dos sa hapon.
Gikanayong nagdula sumala pa ug posporo ang mga bata nga maoy hinungdan sa paspas nga pagkatag sa kalayo sanglit ang mga panimalay sa lugar ang gama lamang sa mga light materials.
Halos walay nadala nga butang ang mga apektadong residente sa maong dapit human ang maong insidente.
Kanunay ang pahimangno sa kabomberohan ngadto sa publiko nga dili padulaan sa mga bata ang mga posporo ug i-check kanunay ang mga butang sa panimalay nga sagad maoy hinungdan sa sunog aron nga makalikay sa disgrasya.
