Mga nasud sa middle east naghiusa aron kondenahon ang pag-ataki sa Iran

Naghiusa ang grupo sa mga nasod sa Middle East aron kondenahon ang mga pag-atake sa Iran.

Sa ilahang pamahayag, ang United Arab Emirates, Bahrain, Saudi Arabia, Qatar ug Jordan nagpakita og kusog nga pagkondena sa ginahimong pag-atake sa Iran.

Gitawag nila kini nga klarong paglapas sa soberanya sa matag nasod.

Dili lamang kuno mga asset sa US ang naigo sa airstrikes sa Iran, kondili lakip usab ang mga imprastraktura sa maong mga nasod.

Samtang lakip usab sa ilahang gikondena ang giingong pagpabaya sa Iraq, nga gikabutyag nga gitugotan ang pipila ka mga armed factions sa paggamit sa ilahang teritoryo aron didto ilusad ang mga pag-atake.