-- ADVERTISEMENT --
DAVAO CITY – Gumikan sa nasinatiang halapad nga pagbaha sa dakbayan nga nakaapekto sa daghanang residente kagahapong adlawa, nanawagan si Konsehal Mabel Sunga-Acosta, chair sa peace and order and public sa konseho ngadto sa mga residente nga nanimuyo sa mga flood prone areas nga mas maayong mobiya na lamang sa ilang mga pinuy-anan ug dili na hulaton nga adunay kinabuhi nga mabutang sa risgo sa higayon nga kalit nga mosaka ang tubig baha panahon nga mobundak ang kusog nga ulan.
Gipasabot ni konsehal Acosta nga ginadili gayud ang pagpahimutang ug mga panimalay ilabi na daplin sa kasapaan gumikan kay aduna sumala pay mipatigbabaw nga balaud nga no build zone ang susama nga lugar.
