DAVAO CITY – Padayon pa karon nga nadungagan ang ihap sa mga namatay sa nahitabong diarrhea outbreak sa Caraga, Davao Oriental.
Sumala pa sa Provincial Government, misaka na sa unom ang nakabsan sa ilang kinabuhi.
Gikanayong sagad sa mga biktima ang nakasinate ug grabe nga dehydration. Wala na mihatag pa ug dugang impormasyon ang lalawigan kalabot sa mga nakabsan sa kinabuhi apan duruha sumala pa sa maong ihap ang namatay niining milabay nga adlaw gumikan sa grabe nga dehydration.
Una na sab nga nasayran nga ang namatay nga 11-month-old baby nga kalakip sa mga namatay ang nagpositibo sumala pa sa Covid-19 rapid antigen test apan wala gipailalom sa confirmatory testing specimen niini.
Bisan nga naghulat pa karon sa opisyal nga resulta sa test, nauna ng gipahayag sa Department of Health-Davao Region (DOH-Davao) nga cholera ang gitudlong hinungdan sa outbreak hatud sa kontaminadong tubig mainom sa lugar.
Gikanayong walay water reservoir sa maong dapitnga maoy resulta nga ang water flowing sa lugar nga ilang source sa tubig mainom ang wala na-decontaminate ug nabuntangan ug chlorine.
Sukad nga nahitabo ang outbreak, kinatibuk-ang 491 ka mga indibidwal na ang apektado diin mayorya sa mga residente ang nanimuyo sa Barangay Santiago.
