DAVAO CITY – Nasikop sa managlahing drug buy bust operation ang pipila ka mga indibidwal nga nalambigit sa ginadili nga druga.
Unang nasikop sa mga sakop sa Sta. Ana PNP ang usa ka bugaw human nga namaligya kini ug illegal nga druga. Gilusad ang operasyon sa Rizal St. ning dakbayan pasado alas nuebe kagabie diin ang suspek naila nga si Dimple Camillo, alyas Dimple, 33 anyos, residente sa Purok 5 Bonifacio St. Brgy. 37-D ning siyudad.
Wala nasayod ang nahisgutan nga pulis ang iyang naka-transaksiyon hinungdan nga diretso kini nga giposasan.
Narekober sa posisyon niini ang usa ka pakete sa illegal ng druga, cellphone, ug marked money nga P500.
Balhug karon ang dinakpan sa Sta. Ana PNP ug gikustodiya na sab karon sa otoridad ang mga nakuha gikan sa nahisgutan nga gamiton isip ebidensiya sa iduso nga reklamo batok kaniya.
Samtang dakpan usab sa mga sakop sa Talomo PNP ang duruha ka mga suspek nga nalambigit pa gihapon sa illegal nga druga naila ang mga nahisgutan nga sila si Alrashid Salazar Nur alyas Tommy ug Edgar Dimapiles Dela Cruz susama nga residente sa Seaside subdivision Matina Aplaya.
Nakuhaan ang mga nahisgutan ug tulo ka pakete sa shabu, cellphone, ug marked nga usa ka libo lakip na ang personal nga kwarta nga kantidad sa P800.
Pasakahan ang mga nahisgutan ug kasong kalapasan sa Republic Act 9165 kun comprehensive dangerous drugs act of 2002.
