DAVAO CITY – Gipa-ilalom karon sa state of calamity ang Barangay Pasian sa lungsod sa Monkayo Davao de oro.
Gipagawas ang deklarasyon subay na nasinatiang outbreak sa Diarrhea sa nahisgutang lugar.
Subay sa report, moabot na karon sa 212 ka mga ang nakasinati ug diarrhea samtang lima ang kompirmadong namatay.
Sa karon nagpadayon pa ang gihimong imbestigasyon aron masayran kung unsa ang tinuod nga hinungndan sa outbreak.
Kahinumduman nga personal nga personal nga gi-atiman kagabii ni Monkayo Mayor Ramil Joanna Gentugaya ang mga biktima.
Gimanduan na sumala pa ni mayor Gentugaya ang OIC-Municipal Health office nga si Dr. Jherix Gapate uban sa team gikan sa maong buhatan aron mahatagan ug hinanaling atensyong medikal ang mga katawhan nga nakasinati sa maong balatian.
Karong adlawa padayon ang personahe sa Municipal Health Office ug Municipal Disaster Risk Reduction and Management Office (MDRRMO) sa paghatag ug nag-unang medical services aron malikayan ang dugang pang mga epekto sa mga residente nga adunay mga balatian.
