DAVAO CITY – Padayon ang panawagan sa Covid-19 Task Force Tagum City ngadto sa mga nakahimamat ni Fr. Arnel Celis ayha kini namatay nga mopailalom sa 14 day isolation.
Kahinumduman nga ang nahisgutan nga pari maoy unang namatay sa Tagum tungod sa covid-19 sa nahisgutan nga lugar.
Luyo sa kamatayon sa pari, nagpadayag sab sa ilang pagpasalamat ang mga residente sa nahimong kontribusyon ni Father Celis sa mga katawhan sa Tagum.
Gitambagan karon sa City Government of Tagum ang katawhan sa siyudad nga makiglambigit sa gipahigayon nga contact tracing ilabi na sa nahibilin nga pamilya niini.
Mas maayo sumala pa nga makiglambigit sa Barangay Health Emergency Response Team ang mga nakahimamat sa pari aron nga padayon kini nga mamonitor ingon man kadtong adunay kasayuran sa mga ulahing lugar nga gi-adtoan sa pari.
Nanawagan sab ang COVID-19 City Task Force nga motawag gilayon o mo-text sa numero: 0995-990-3957 (Globe), 0951-164-6965 o 0951-795-3257 (Smart).
