Pipila ka mga pundok ang nagpahigayon og lihok-protesta kagahapong adlawa alang sa panawagan sa House of Represenatative nga ipadayon ang pag-impeach kang Vice President Sara Duterte gumikan sa mga alegasyon sa sayop nga paggamit sa confidential ug intelligence fund.
Kahibaloan nga nag-atubang si VP Sara og tulo ka mga gipasakang impeachment complaint, apan dili pa kini ginahisgutan sa mga magbabalaod, ug posible sab sumala pa kining maabtan na sa adjournment.
Kahinumdumang, gi-awhag ni Marcos ang Kongreso nga ibasura ang mga nahimong pagpaningkamot sa pipila ka mga indibidwal labot sa pagpasaka og impeachment batok sa ikaduhang pangulo, ug gitawag kining dugang lamang kining babag sa mga prayodad sa lehislatura.
Samtang, nakasuot sab ang mga nagprotesta og kolor puti nga t-shirt nga adunay dala nga mga karatola nga nagapanawagan nga pakanaugon si Duterte.
Gibanabanaang, anaa sa 4,000 ang ihap sa mga tawo ang mitambong sa maong EDSA rally, sumala pa sa datos sa mga otoridad.
Samtang, nagpadayag sab sa iyahang kabalaka si House Representative Perci Cendaña, nga basin og dili na sumala pa kini matuki sa kongreso ang ilahang gipasakang impeachment complaint batok kang VP Sara, ug maabtan na kini sa adjournment sa Kamara.
