DAVAO CITY – Gikumpirma ni Davao City Mayor Sebastian Duterte nga opisyal nang taktak sa pwesto ang anaa sa 37 ka empleyado sa Davao City Public Safety and Security Office (PSSO) kinsa nagpositibo atol sa random drug test.
Sumala pa sa mayor, daan nang nagpahibalo ang mayor kanila sa paglikay sa paggamit og ilegal nga droga sa mga empleyado sa gobyerno nunot sa war on drugs campaign nga gipanukad sa mayor.
Hinuon, ipailawom sa rehabilitasyon ang 37 ka mga personahe sa PSSO human nga nagpositibo sa ilegal nga druga atol sa gihimong suprise drug test niadtong Mayo 3 ug Mayo 13, 2024.
Alayon niini, gibutyag ni City Anti Drug Abuse Council action officer Jaffar Marohomsalic nga mamahimong ipaubos sa drug rehabilitation program ang mga nagpositibo apan kinahanglan nga sa ilang gastuhan gayud sa gobyerno sanglit dili mamahimong pugson.
Una nang gikumpirma ni PSSO Head Angel Sumagaysay ang resulta sa maong drug test niadtong milabayng bulan maong nangayo kini og dugang pang tawo nga muhulip sa mga nabakanteng posisyon nga kadaghanan niini ang mga sakop sa Civil Security Unit.
