DAVAO CITY – Gipangandaman na karon sa lokal nga kagamhanan ang posibleng aksiyon nga himuon aron nga masilotan kadtong nga nagapakatag ug sayop nga impormasyon ug mangampanya batok Covid-19 ug vaccination.
Kahinumduman nga una ng gibutyag ni Mayor Sara Duterte-Carpio nga nahisgutan na nila tali sa Sannguniang Panglungsod ang posibilidad nga magpatuman ug legal actions batok sa mga nagpakatag ug sayop nga impormasyon kalabot sa Covid-19 vaccines ingon man sa mga nagpakatag ug fake news nga mamahimong “zombie” ang mga nagpabakuna pagsulod sa bulan sa Setyembre.
Una ng gibutyag ni Mayor Inday nga wala sumala pay angayan nga kabalak-an ang publiko gumikan kay luwas ug epektibo ang bakuna batok sa Covid-19 ug gi-awhag niini ang publiko nga dili motoo sa mga sayop nga impormasyon kalabot sa pagbakuna ug e-edukar ang ilang kaugalingon kalabot sa bakuna.
Kahinumduman nga kinahanglan palig-onon pa ang information dissemination sa dakbayan kalabot sa bakuna ilabi na nga daghanan pa gihapon ang nagduha-duha tungod sa kahadlok sa mamahimong epekto niini sa ilang panglawas.
