Gihagit sa Malakanyang ang mga indibidual nga nagpakatag ug fake news sa gi-post nga hulagway ni First Lady Liza Marcos sa iyahang social media nga magpagawas ug kamatuoran nga ang nahisgutang hulagway ang edited.
Gipahayag ni Palace Press Officer USec. Claire Castro, ang mga mibatikos ang walay kasayuran sa nahisgutang meeting. Dugang pa niini, unsa ang malauman sa mga tawo nga walay kasayuran ug kini mao ang pagpakatag ug fake news. Kung kahinumduman, nag-post sa iyahang facebook page si First Lady Liza Marcos ug hulagway ug gikanayon niini nga regular meeting of the Asian Cultural Council nga gipahigayon sa Pangarap Clubhouse sa Malacañang Park.
Gumikan niini, mikatag ang hulagway sa social media ug gikanayong photoshopped o gi-idit ang hulagway. Samtang sa pikas nga bahin, unang gipanghimakak sa Malakanyang nga gibabagan ang first lady sa mga awtoridad sa Estados Unidos. Mibyahe ang unang Ginang sa Amerika alang sa usa ka working visit ug mitambong kini sa Meeting of the Minds ug Manila International Film Festival.
