DAVAO CITY – Nakatala ang Davao City ug 103 ka mga kaso sa COVID 19 karong simanaha, samtang anaa sa 14% positivity rate. Gikan sa maong numero, 59 ang asymptomatic ug 44 ang nagbaton ug mild nga kaso.
Gikanayon ni Davao City COVID 19 Task Force spokesperson Dr. Michelle Schlosser, nga epektibo ang mga bakuna tungod duna lamang gamayng epekto sa mga nagpabakuna ang mga sintoma sa maong kagaw.
Importante hinuon nga maluwas gikan sa kamatayon ang mga biktima gikan sa maong sakit.
Nag-awhag sab ang buhatan sa mga ginikanan sa mga magtutuon nga pabakunahan ang ilang mga anak alang sa ilang proteksyon batok sa maong virus ilabi nang hapit na ang ipatumang full implementation sa face-to-face classes sa mga pampublikong tulunghaan sugod Nobyembre 2.
Sa pikas bahin, wala pa nakadawat ug report ang buhatan gikan sa Department of Health-Davao Region mahitungod sa pagkuyanap sa bag-ong Omicron variants sa virus diri sa dakbayan.
Kahinumdumang gibutyag ni DOH officer-in-charge Maria Rosario Vergiere niadtong Oktubre 18 nga dunay natalang kaso sa XBB ug XBC variant diri sa Davao Region.
Gipaniguro hinuon ni Dr. Schlosser nga epektibo batok sa tanang variants ang mga bakuna kontra COVID 19.
via || Bombo LJ Florendo
