Libuan na ka mga katawhan ang midagsa sa Bangkal ning dakbayan sa Davao sukad pa kagahapong adlawa alang sa naandan nga pahalipay sa pamilyang Duterte sa Taal, Bangkal, Brgy. Talomo Proper ning syudad sa Davao.
Bisan sa kusog nga ulan kagabii, wala nagpatandog ang mga Dabawenyo sa hataas nga linya.
Nasayran nga matag tuig, nagapanghatag ang mga Duterte og pamaskong ayuda sama sa grocery packs, packed meals, gift certificates, ug pinansyal nga tabang sa mga residente sasyudad sa Davao.
Bisan ang mga bata ug mga edaran, lakip usab sa mga milinya aron nga makadawat ug bugag, pamasahem pagkaon ug mga delata nga karong buntag sugdan na sa paghatag.
Nasayran nga adunay pipila usab ang gikan pa sa nagkadaiyang mga lugar sulod og gawas dinhi sa rehiyon.
Samtang hugot usab ang seguridad nga gipatuman sa maong lugar alang sa hapsay nga kalihukan.
Kahinumduman nga una na nga gibutyag sa Davao City Police Offive nga mokabat sa 2000 ka mga security personnel ang gipkatag sa maong lugar aron masiguro ang kaluwasan sa mga naglinya nga mga katawhan.
