DAVAO CITY – Kapin 100 ka mga organisasyon, indibidwal lakip ang mga nag-unang taxpayers gikan sa mga pribadong sektor ning dakbayan ang gihatagan og pasidungog sa City Government of Davao atol sa Pasidungog: Garbo sa Davao nga gipahigayon sa Aves Room, Acacia Hotel ning dakbayan kagahapon, Marso 8, ning tuig.
Lakip sa Top 10 Taxpayers mao ang Davao Light and Power Company, Therma South Inc., Huawei Technologies Phils., Inc., PMFTC Inc, Samsung Electronics Phils., Corp., Holcim Philippines, Inc., Mindanao Shopping Destination Corp- SM Davao Department Store, PHILSAGA Mining Corporation, Zuelig Pharma Corporation, ug Honda Philippines Inc.
Samtang, pasok usab sa Top 10 Realty Property Taxpayers ang Therma South Inc., Davao Union Cement Corp., Accendo Commercial Corp., Southernpoint Properties Corp., SM Prime Holdings, Inc., DMCI Project Developers Inc., Dynasty Management and Development Corp., Smart Communications Inc., Megaworld Corporation ug Filinvest Land Inc.
Gihatagan usab og dakong pasidungog ang mga indibidwal ug organisasyon nga adunay dakong kontribusyon sa usiness Development, Cooperative Development, Public Safety Disaster and Crisis Response, Social Services, Health, Urban Infrastructure and Housing Resettlement, Education, Animal Health Welfare and Productivity, Tourism, Arts ug Economic Development.
