-- ADVERTISEMENT --
Wala pay namatikdan nga pagsaka sa presyo sa mga nag-unang palaliton ang Department of Trade and Industry (DTI).
Kini gisubay sa kabalaka sa pipila ka sektor nga posibleng mosaka ang presyo sa mga palaliton human misaka ang presyo sa mga produktong petrolyo tungod sa krisis sa Middle East.
Sumala sa DTI, wala sila’y namonitor nga bisan unsang dili normal nga paglihok sa presyo sa mga nag-unang palaliton subay sa ilahang monitoring sa 172 ka mga establisemento.
Samtang, gibutyag ni Regino Mallari Jr., Trade Assistant Secretary, nga gisiguro sa ilang mga nag-unang manufacturers nga ang inventory sa ilang mga produkto igo pa alang sa duha ka bulan nga suplay.
