DAVAO CITY – Dagsa ang daghanang mga dabawenyo sa mga nagkadaiyang tindahan sa dakbayan human nga ulahing adlaw na kagahapong adlawa sa pagkuha sa pahalipay sa lokal nga kagamhanan nga kabahin Safe Davao QR Pahalipay Rewards nga nagsugod kaniadtong milabay nga bulan sa Disyembre.
Una ng gibutyag ni Davao City Mayor Inday Sara Duterte-Carpuio nga as of January 31, mikabat na sa 501,738 ang naka-claim niini ug lauman nga musaka pa ang maong ihap karung adlawa.
Gibana-banaang anaa sa P600,000 ang nagamit gikan sa P1.2 million budget niini sa lokal nga kagamhanan.
Una ng gibutyag ni Davao City Human Resources Management Office head Lemuel Ortonio, nga kadtong wala na-claim nga grocery items ang ibalik sa suppliers arun nga malikayan ang pag-usik sa resources.
Samtang ang mga nadonar nga DQR Pahalipay ang misaka usab sa 113,510 as of January 31.
Gikanayong ihatud pa gihapon ang mga gidonar hangtud kagahapong adlawa sa mga lugar nga apektado sa Bagyong Odette.
