DAVAO CITY – Gihangyo sa otoridad ang kinatibuk-ang 265 ka mga indibidwal nga mopailalom sa profiling ug cross-checking human ang gipahigayon nga “Oplan Bulabog” operation sa mga Barangay ning siyudad sa milabay nga semana.
Una ng gibutyag ni Davao City Police Office (DCPO) director Police Senior Superintendent Alexander Tagum, giimbitahan nila ang pipila ka mga indibidwal nga mopailalom sa comparative analysis aron nga mas mailhan ang mga nahisgutan.
Gikanayong ang regular operation maoy epektibo nga pamaagi aron malikayan ang posibleng spillover sa krisis sa Marawi City o pagsulod sa mga terorista sa usa ka siyudad.
Gilangkuban ang nahisgutang mga lugar sa Bunawan, Sasa, ug Toril.
Gipahigayon ang operasyon sa Davao City-based law enforcement units ug security forces sa pagpanguna sa DCPO, inabagan sa Task Force Davao (TFD), Regional Public Safety Battalion, National Bureau of Investigation, Criminal Investigation Detection Unit, Philippine Coast Guard (PCG), Maritime Group, Aviation Security Unit and Regional Crime Laboratory Office, ug daghanan pa.
Mukabat sa 400 security personnel uban ang duruha ka patrol boats gikan sa PCG, tulo ka sea patrol assets gikan TFD ug duruha ka mobile ambulances gikan Central 11 ang gigamit atol sa operasyon.
