DAVAO CITY – Mas dali na lamang karon ang pagpahibalo sa usa ka indibidwal kung na-expose kini sa tawo nga positibo sa corona virus kini tungod padalhan na lamang kini ug text message.
Kabahin sumala pa kini sa pilot enforcement sa Safe Davao QR (DQR). Sa mga nakarehistro karon sa contact tracing QR sa siyudad, makadawat na kini ug mensahe kalabot sa mamahimong sintomas sa Covid-19 ug kung unsa ang angayan nga himuon.
Sa higayon nga makadawat ug text message dili sumala pa angayan nga mag-panic.
Una ng gibutyag ni Davao City Mayor Sara Duterte-Carpio nga kabahin ang maong lakang sa full enforcement sa DQR ilalom sa “push notification” pinaagi sa ipadala nga mensahe, mamahimong malimitahan na sa usa ka tawo ang iyang lihok ug mopailalom sa self-quarantine.
Aron nga dili makapahimulos ang mga scammers, mogamit ang siyudad ug “masked phone numbers” diin ang contact sa sender dili makita inay ang DQR ang makita.
Gitataw sab sa nahisgutan nga ang text notification mamahimong dali na lamang sa mga residente nga adunay smartphone ang pagdawat ug notification.
